राप्रपाको भ्रातृ संगठन राष्ट्रिय प्रजातान्त्रिक महिला संगठनको महाधिवेशनबाट अध्यक्ष पदमा अञ्जना शाह रावल सर्वसम्मत चयन भएकी छिन् । काठमाडौंमा आयोजित महाधिवेशन उपाध्यक्ष, महासचिवसहित ६१ सदस्यीय कार्यसमिति चयन गर्दै सोमबार सम्पन्न भएको छ ।
महाधिवेशनले उपाध्यक्ष पदमा धनुषाकी संगीता मल्ल ठकुरी र महासचिवमा सिन्धुपाल्चोककी कुमारी स्याङ्तानलाई निर्वाचित गरेको छ। महासचिव स्याङ्तान राप्रपाको तर्फबाट वाग्मती प्रदेश सभाकी सदस्यसमेत हुन् । मनोनीत हुने उपाध्यक्ष पदमा काठमाडौंकी सिजन श्रेष्ठ र रामेछापकी सरस्वती श्रेष्ठ, महासचिवमा कास्कीकी रञ्जना सेन ठकुरी र काठमाडौंकी चम्पा अधिकारीलाई सहमतिका आधारमा महाधिवेशनबाट नै चयन गरिएको छ ।
महाधिवेशनबाट पारित बिधान अनुसार भएको निर्वाचनबाट विभिन्न प्रदेशका केन्द्रीय समिति सदस्यहरु निर्वाचित भएका छन् । महाधिवेशनले पिछडिएको क्षेत्र, अल्पसंख्यक, थारु, उत्यीडित, जनजातिको प्रतिनिधित्व सुनिश्चित गर्दै विधानअनुसारको सदस्य समेत निर्वाचित गरेको छ। नवनिर्वाचित कार्यसमितिका अध्यक्षसहित अन्य पदाधिकारी र सदस्यहरुलाई निर्वाचन समितिका संयोजक वरिष्ठ अधिवक्ता, पार्टीका केन्द्रीय सदस्य राजु बस्नेतले प्रमाणपत्र प्रदान गरे ।
