झापा।भद्रपुर ७ स्थित सरस्वती आधारभूत विध्यालयमा आज एकदिने आँखा तथा कान शिविर सम्पन्न भएको छ ।भद्रपुर नगरपालिका वडा न. ७ र खस क्षेत्री एकता समाजको आयोजनामा शिविर सम्पन्न भएको हो
भद्रपुर नगरपालिकाका नगर प्रमुख गणेश पोखरेलको प्रमुख आतिथ्यता र ७ नं. वडा का वडा अध्यक्ष अभिषेक ढुंगानाको विशेष आतिथ्यतामा भएको शिविरको अध्यक्षता विधालय व्यवस्थापन समितिका अध्यक्ष फुलसिंह राजवंशीले गरेका थिए।
उक्त शिविरमा २ सय १ जनाले सेवा लिएको वडा अध्यक्ष ढुंगानाले वताए। कार्यक्रममा प्रमुख अतिथि पोखरेल, वडा अध्यक्ष ढुंगानाले मन्तव्य राखेका थिए। कार्यक्रमको संचालन खसक्षेत्री समाजका केन्द्रीय अध्यक्ष खडग वहादुर खडकाले गरेका थिए।
