झापा।भूमी समस्या सम्बन्धी एक दिवसिय अभिमुखीकरण गोष्ठी हल्दीबारी गाउँपालिकामा सम्पन्न भएको छ। भूमी सम्बन्धी समस्या समाधान आयोग जिल्ला आयोग अध्यक्ष मदन अधिकारीको प्रमुख आतिथ्यतामा भएको कार्यक्रमको पालिका अध्यक्ष रविन्द्र प्रसाद लिङदेनले अध्यक्षता गरेका थिए। कार्यक्रममा उपाध्यक्ष लक्ष्मीदेवी मैनाली, प्रमुख प्रशासकिय अधिकृत मानबहादुर वन महेन्द्र, वडाध्यक्षहरु ,कार्यपालिका सदस्यहरू,वडा सदस्यहरु,राजनैतिक दलका प्रतिनिधीहरुको उपस्थिति रहेको थियो।
कार्यक्रमको स्वागत तथा औचित्य माथि प्र प अ वनले प्रष्ट पारेका थिए भने भूमी सम्बन्धी समस्याका बारेमा हाल भइरहेका गतिबिधी र अब गर्नुपर्ने काम,आएका समस्या हरुको बारेमा छलफल तथा जनप्रतिनिधिहरुले विज्ञ समक्ष प्रश्नहरु राखेका थिए। हल्दीबारी गाउँपालिकामा रहेका सुकुम्बासीहरूको समस्या समाधान, अव्यवस्थित बसोबास, धनी पुर्जा वितरण लगायतका बारेमा विज्ञहरुले प्रष्ट पारेका थिए भने कार्यक्रममा बोल्दै अध्यक्ष लिङदेनले भुमी सम्बन्धी समस्या समाधान गर्न पालिकाले आयोग संग समन्वय गर्ने बताए। कार्यक्रम संचालन योजना शाखा प्रमुख राजन न्यौपानेले गरेका थिए।
