हल्दिबारी, झापा। १७ औँ जिल्ला स्तरिय राष्ट्रपति रनिङ शिल्ड प्रतियोगिता जिल्लास्तरीय खेलकुद कार्यक्रम अन्तर्गत हल्दिबारी गाउँपालिकाद्वारा सञ्चालन गरिने भएको छ। जिल्ला खेलकुद विकास समितिका अध्यक्ष भेषराज भण्डारीको हस्ताक्षरसहित जारी गरिएको प्रतिबद्धता पत्रमार्फत उक्त जानकारी सार्वजनिक गरिएको हो।
प्रतिबद्धता पत्रमा प्रतियोगिता सञ्चालन तथा व्यवस्थापनको जिम्मेवारी हल्दिबारी गाउँपालिकाले लिने उल्लेख गरिएको छ। साथै, कार्यक्रम सफलतापूर्वक सम्पन्न गर्न आवश्यक समन्वय र सहयोग गर्ने प्रतिबद्धता समेत व्यक्त गरिएको छ।
पत्रमा जिल्ला खेलकुद विकास समितिका अध्यक्ष भेषराज भण्डारीले हस्ताक्षर गरेका छन् भने हल्दिबारी गाउँपालिकाका तर्फबाट हल्दीबारी गाउँपालिका खेल संयोजक तथा वडा नं ४ का वडाध्यक्ष सन्त कुमार थापा र वडा न १ का वडा अध्यक्ष देवी ब. थापाले हस्ताक्षर गरेका छन ।
जिल्लास्तरीय खेलकुद गतिविधिलाई प्रवर्द्धन गर्ने उद्देश्यले आयोजना गरिने उक्त प्रतियोगिताले विद्यार्थी खेलाडीहरूलाई प्रतिभा प्रदर्शन गर्ने अपेक्षा गरिएको खेलकुद संयोजक थापाले बताए।
