मोरङको बेलबारी नगरपालिकामा राष्ट्रिय प्रजातन्त्र पार्टीबाट मेयरका उम्मेदवार बनेका खेमप्रसाद गौतमको गाडीमा आगजनी भएको छ।
बेलबारी-२ लालभित्तिस्थित आफ्नै घरको आँगनमा पार्किङ गरेर राखेको वा१२च ९३८४ नम्बरको कारमा बिहीबार राति आगजनी भएको हो।
तत्काल आगो नियन्त्रण हुँदा गाडीमा सामान्य क्षति पुगेको प्रहरीले जनाएको छ। गौतमको घरको सिसिटीभीको फुटेजका आधारमा राति १ बजेर ४० मिनेटमा सुभाष पाण्डेले गाडीमा पेट्रोल छर्केर आगजनी गरेको देखिएपछि प्रहरीले उनलाई नियन्त्रणमा लिएको छ। घटनाका बारेमा थप अनुसन्धान थालिएको प्रहरीले जनाएको छ।
