झापा, असोज २१ , आज साँझ बर्षासंगै परेको चट्याङले लागेर बिर्तामोड २ चैतुबारीमा एक बालिकाको मृत्यु भएको छ ।
साँझ ६ बजेतिर परेको चट्याङले लागेर बिर्तामोड २ चैतुबारी निवासी रुपलाल हस्दाकी ११ वर्षिया छोरी अन्जु हस्दाको घटनास्थलमै मृत्यु भएको हो ।
कुमाल बस्तीमा रहेको हजुरआमाको घरबाट साइकलमा आफ्नो घरतर्फ फर्किदै गरेकी अन्जुलाई बाटैमा चट्याङले हानेको इलाका प्रहरी कार्यालय बिर्तामोडका प्रमुख प्रहरी नायव उपरीक्षक रुगमबहादुर कुँवरले बताए ।
