झापा। हल्दिबारी गाउँपालिका वडा नं ४ को कालीमन्दिर टोलमा शनिबार राती करिब २:१५ बजे आएको जङ्गली हात्तीको आक्रमणमा परि ४ जना घाइते भएका छन् , घाइतेहरुको मेची प्रादेशिक अस्पतालमा उपचार भइरहेको छ।
स्थानीय जय प्रकाश दाहालको अन्दाजी १ बिगाहाको धान पुर्ण रूपमा क्षति साथै विजय लावतीको थ्रेसर लगाएको धान करिब ६ मन जति खाएर छरछार गरेको स्थानीय प्रलाद सिलवालले जानकारी दिएका छन् । त्यसैगरी हात्तीले धन बहादुर गहतराजको अटोमा समेत हात्तीले क्षति पुर्याएको छ ।
दाहालको खमारमा रहेको अन्दाजी १ बिगाहाको कुन्युको धान पुर्ण क्षति गरेको र सो अवस्थामा हात्ती गाउँमा पस्ने देखेर गाउँलेले प्रहरीको सहायतामा हात्ती नियन्त्रण गर्ने र बस्तीको संरक्षण गर्ने क्रममा हात्ती ले लखेटेर भागदौड हुँदा गौरादेवी पौडेल , नगेन्द्र पौडेल ,पार्वता देवी पौडेल र चेतन पौडेल घाइते भएका जलथल प्रहरी चौकीले जनाएको छ।
दिनहुँ आउने हात्तीको कारण यो क्षेत्र का जनता समस्यामा परेका छन्।
