झापा। ३०१ औ पृथ्वी जयन्ती तथा राष्ट्रिय एकता दिवस हल्दिबारी गाउँपालिका ले दिपप्रज्वलन गरि मनाएको छ।
गाउँपालिका अध्यक्ष रविन्द्र प्रसाद लिङदेन को अध्यक्षतामा भएको कार्यक्रममा उपाध्यक्ष लक्ष्मीदेवी मैनाली, १ र ४ नं वडाका वडाध्यक्षहरु सन्तकुमार थापा र देवी बहादुर थापा , कार्यपालिका सदस्यहरू, कर्मचारीहरु, विभिन्न राजनीतिक पार्टीका प्रतिनिधिहरू, विधार्थी तथा सर्वसाधारणको उपस्थिति मा भएको कार्यक्रममा पृथ्वीनारायण शाहको तस्वीरमा माल्यार्पण गदैँ दिपप्रज्वलन गरिएको थियो।
कार्यक्रममा बोल्दै अध्यक्ष लिङदेनले पृथ्वीनारायण शाहले राष्ट्रिय एकिकरण नगरेको भए आज हामी नेपाली को अस्तित्व कस्तो हुन्थ्यो भन्न नसकिने भन्दै ईतिहास लाई सम्मान जनाउँदा खुसी मिलेको बताएका थिए। उपाध्यक्ष लक्ष्मीदेवी मैनाली ले स्वागत मन्तव्य राखेकाे कार्यक्रमको संचालन गाउँपालिका का प्रवक्ता देवीबहादुर थापा ले गरेका थिए।
सोही अवशरमा हल्दिबारी वडा नं १ र ४ मा पनि दिपप्रज्वलन गरि राष्ट्रिय एकता दिवस मनाईएको छ ।
सरकारले राष्ट्रिय एकता दिवस को अवसरमा सार्वजनिक बिदा दिएको थियो।
