झापा।राष्ट्रपति रनिङ शिल्ड हल्दिबारी गाउँपालिका स्तरीय अन्तरमाध्यमिक खेलाडी छनौट प्रतियोगिता को तयारी पुरा भएको छ।
माघ २७ गते बाट २९ गते सम्म संचालन हुने प्रतियोगितामा हल्दिबारी गाउँपालिका का सामुदायिक र संस्थागत गरी ११ वटा विद्यालय को सहभागिता रहने छ।
छनौट प्रतियोगितामा भलिबल,कवड्डी, एथलेटिक्सका १३ इभेन्टस ,उसु, कराँते,र तेक्वान्दो मा छात्रछात्राले प्रतिस्पर्धा गर्ने र यहाँ बाट छनौट भएका विद्यार्थीहरूलाई जिल्लास्तरीय प्रतियोगितामा पठाईने हल्दिबारी वडा नं ४ का वडाध्यक्ष एवंम राष्ट्रपति रनिङ शिल्ड का संयोजक सन्तकुमार थापा ले जानकारी दिएका छन्।
खेलकुदका सबै प्रतिस्पर्धा जनजागृति माध्यमिक विद्यालय हल्दिबारी १ मा संचालन हुनेछन्।
