झापा।पूर्वेली नाट्य समूह हल्दिबारीले निर्माण गरेको जनचेतनामूलक फिल्म The Best person को आज एक कार्यक्रमका बिच हल्दिबारी गाउँपालिकामा प्रिमियर सो गरिएको छ।
आत्महत्या, लागुऔषध दुर्व्यसन, दाइजो प्रथा लगायतका विषयले व्यक्तीलाई पुर्याउने नकारात्मक प्रभाव र यसबाट परिवार र समाजलाई पुर्याउने असरका वरिपरि चलचित्र घुमेको छ 
हल्दिबारी गाउँपालिकाका अध्यक्ष रविन्द्र प्रसाद लिङदेन, उपाध्यक्ष लक्ष्मीदेवी मैनाली, वडाध्यक्षहरु देवीबहादुर थापा, सन्तकुमार थापा, जनप्रतिनिधिहरू, प्रहरी, संचारकर्मी, विभिन्न पार्टीका प्रतिनिधिहरू लगायतको उपस्थितिमा प्रिमियर गरिएको थियो।
फिल्म हेरिसकेपछि सन्देशमूलक चलचित्र बनेको भन्दै हल्दिबारी गाउँपालिका अध्यक्ष लिङदेनले प्रशंसा गरेका छन्।
यसैगरी उपाध्यक्ष मैनालीले स्थानीय कलाकारहरुको अभिनय को प्रशंसा गरेकी थिइन्।
यस्तै वडाध्यक्ष सन्तकुमार थापाले समाजमा घट्ने घटनाहरुलाई टपक्क टिपेर बनाएको फिल्म उत्कृष्ट रहेको बताएका थिए। १ नं वडाध्यक्ष देवीबहादुर थापा ले सबैलार्इ एकपटक यो फिल्म हेर्न अनुरोध गरेका छन्।
फिल्म लाई चैत १५ गते एभरेष्ट सिनेमा हल राजगढमा प्रदर्शन गरिने निर्माता तुलशी मिश्रले जानकारी दिएका छन्।
