इलाम । राष्ट्रिय प्रजातन्त्र पार्टी राप्रपाको इलाम न पा वडा नं ८ मा वडा कमिटी गठन गरिएको छ। इलामको तिल्केनीमा राप्रपा जिल्ला अध्यक्ष राजेन्द्र चौहान को अध्यक्षतामा भएको कार्यक्रममा केन्द्रिय शिक्षा विभाग सदस्य एवम् गत बैशाख १५ गते सम्पन्न इलाम क्षेत्र न २ को उपनिर्वाचनमा रा प्र पा को तर्फबाट प्रत्यासी उम्मेदवार लक्ष्मी गुरुङ को प्रमुख आतिथ्यता रहेको थियो।
भेलाले जीवन सापकोटा को अध्यक्षतामा ८ सदस्यीय वडा कमिटी गठन गरेको छ ।
निर्वाचित पदाधिकारीलाई अतिथि हरूले प्रमाणपत्र वितरण सँगै अबिर लगाएर सम्मान गरेका थिए।
कार्यक्रममा इलाम न पा ५ का वडा कमिटी अध्यक्ष बिश्वनाथ भट्टराई , सदस्यहरू लोकनाथ आचार्य ,लक्ष्मीकान्त सापकोटा समेतको उपस्थिति रहेको थियो ।
जीवन सापकोटा ले स्वागत गरेको कार्यक्रमको संचालन जिल्ला समिति सचिव सुर्य कुमार रिजालले गरेका थिए।
राप्रपाले पछिल्लो समय इलाममा संगठन विस्तार तिव्र पारिरहेको छ।
