बंगलादेश साफ महिला च्याम्पियनसिपको फाइनलमा प्रवेश

बंगलादेश साफ महिला च्याम्पियनसिप फुटबलको फाइनलमा प्रवेश गरेको छ ।

काठमाडौंको दशरथ रंगशालामा भएको पहिलो सेमिफाइनलमा भुटानमाथि ७–१ गोलको जितसहित बंगलादेश उपाधि नजिक पुगेको हो ।

बंगलादेशको जितमा तोहुरा खातुनले तीन गोल गरेकी थिइन् । दोस्रो सेमिफाइनलमा आयोजक नेपाल र भारतबीच प्रतिस्पर्धा भइरहेको छ । नेपाल समूह ‘बी’ को विजेता र भारत समूह ‘ए’ को उपविजेताको रुपमा अन्तिम चारमा पुगेको हो ।

यसअघि भुटानविरुद्धको खेलमा निराशाजनक बराबरी खेलेपछि नेपालले माल्दिभ्स र श्रीलंकाविरुद्धको खेलमा फेरि लय समातेको थियो । नेपाल बलियो प्रतिद्वन्द्वी भारतको चुनौती पन्छाउँदै फाइनलमा पुग्ने लक्ष्यमा छ ।

यो खबर पढेर तपाईलाई कस्तो महसुस भयो ?🤔

खोजि गर्नुहोस ...

Search