झापा हल्दीबारी
गाउँपालिकाको एक करोड ३० लाख बजेटमा निर्मित पक्की पुल २६.८० मिटर लम्बाइ रहेको छ भने ७. ५ मिटर चौडाई रहेको छ।
उद्घाटन कार्यक्रममा वडा नं. ३ का वडाध्यक्ष विष्णु प्रसाद ओली, नेपाली कांग्रेस हल्दीबारीका सभापति गंगाप्रसाद प्रसाई, नेकपा एमाले हल्दीबारीका अध्यक्ष त्रिलोचन सापकोटा लगायतका राजनीतिक तथा सामाजिक अगुवाहरूले पुल निर्माणले स्थानीय बासिन्दाको दैनिक आवागमन, सेवा–सुविधा पहुँच र आर्थिक गतिविधिमा सकारात्मक प्रभाव पार्ने अपेक्षा व्यक्त गरे।
कार्यक्रममा वडा अध्यक्षहरू, कार्यपालिका सदस्यहरू, वडा सदस्यहरू, विभिन्न राजनितिक दलका प्रतिनिधिहरू, वन समुहका अध्यक्षहरू, सुरक्षाकर्मी, संचारकर्मी , शिक्षकहरू,स्थानियवासी लगायत सरोकारवालाहरूको उपस्थिति रहेको थियो।
कार्यक्रममा प्रमुख प्रशासकीय अधिकृत मानबहादुर वन महेन्द्रले स्वागत मन्तव्य राख्दै पुल निर्माणको आवश्यकता, महत्व तथा लागतसम्बन्धी विवरण प्रस्तुत गरेका थिए।
उक्त कार्यक्रमको सहजीकरण योजना शाखा प्रमुख राजन न्यौपानेले गरेका थिए।
