काठमाडौं । राष्ट्रिय क्रिकेट टिमका कप्तान सन्दीप लामिछाने क्यारेबियन प्रिमियर लिग सीपीएल खेल्न वेष्ट इण्डिज जाने भएका छन् ।
पूर्व निर्धारित तालिका अनुसार उनी केन्या भ्रमण छाडेर सीपीएल खेल्न जान लागेका हुन् ।सन्दीप सीपीएलमा जाने भएपछि केन्यासँगको एक दिवशीय खेलमा रोहितकुमार पौडेलले नेपालको नेतृत्व गर्ने छन् ।
केन्यासँग नेपालले तीन एकदिवसीय खेल खेल्नेछ । पहिलो खेल शुक्रबार हुनेछ । गत सिजन ट्रिनबागो नाइटराईडर्समा अनुबन्ध भए पनि सन्दीपले राष्ट्रिय टिमको खेल भएका कारण सीपीएल गुमाएका थिए । यसपटक उनी जमैका तल्लाजावजमा अनुबन्ध भएका हुन् ।
