भद्रपुर । चौथो हात्तीमारा सन्थाल नकआउट फुटबल प्रतियोगिताअन्तर्गत पहिलो सेमिफाइनल खेलमा कानेपोखरी एफसी मोरङ विजयी हुँदै फाइनलमा प्रवेश गरेको छ।
हात्तीमारा खेल मैदानमा सम्पन्न प्रतिस्पर्धात्मक खेलमा कानेपोखरी एफसी मोरङले हल्दिबारी एफसीलाई ३–१ गोल अन्तरले पराजित गरेको हो।
खेलको सुरुदेखि नै आक्रामक देखिएको कानेपोखरी एफसीले उत्कृष्ट खेल प्रदर्शन गर्दै तीन गोल गर्न सफल भयो। हल्दिबारी एफसीले भने एक गोल फर्काए पनि खेल आफ्नो पक्षमा पार्न सकेन।
जितसँगै कानेपोखरी एफसी मोरङले प्रतियोगिताको फाइनलमा आफ्नो स्थान सुरक्षित गरेको छ। प्रतियोगिताको दोस्रो सेमिफाइनल खेलपछि फाइनलमा कानेपोखरी एफसीसँग प्रतिस्पर्धा गर्ने टोलीको टुंगो लाग्नेछ।
सन्थाल समुदायका खेलाडीहरूको प्रतिभा र खेलप्रतिको उत्साहलाई प्रोत्साहन गर्ने उद्देश्यले आयोजना गरिएको प्रतियोगितामा विभिन्न क्षेत्रका टोलीहरूको सहभागिता रहेको छ।
